Baggage & Jetlag

Hi everyone

ha eich scho früecher wöue schribe, aber irgendwie bini no nid derzue cho.
Mis Gepäck isch auso, so wie ig ou, heil deheime acho. Dr Namittag het sech du chli verlengeret, so dass dr Kurier öppe am 9i am Abe de bi mir gsi isch. Aber das spiut ja eich kei Roue, Houptsach i ha mini Sache.

Mitem Jetlag geits eich nid schlächt. Am Mittwuch bini meh oder weniger früech go schlafe und när irgendwenn so um die 4e am Morge ufgwachet. Ha de aber wieder chönne ischlafe und so um di haubi 2 am Namittag het de ds Myri mau klopfet u gfragt, öb ig äch ou öpis Zmittag wetti... =)
Bi säuber ganz überrascht gsi, dass es scho so spät isch, hätti dänkt, es sigi öpe 10i oder 11i oder so...

Hütt si de mini Verwandte zu üs cho und mir si zäme ufe Gurte gange. De simer no chli id Stadt, das heisst vor auem zu dä Fontäne vorem Bundeshuus u när zu üs hei.
Mir hei ä super Tag gha zäme und itz sie si ufem Wäg zrügg zu ihrem deheime hie ir Schwiiz.