One day in Rapid City

Hi guys

geschter heimer dr ganz Tag ds Rapid City verbracht, das heisst mir sie fruech am morge los gfahre.
zersch simer zum Mount Rushmore. das sie ine baerg ine gschnitzti bueste vo vier us-presidaente. das heisst eigentlech haettes aues soeue bueste waerde, aber dae wo das ganze gleitet het isch gstorbe und sie hei o ke gaeud me gha, drum si itz fasch bi aune nur d'choepf igschnitzt. bir figur links gseht mae, wie das die angere ono waere daenkt gsi.


may I present to you...
George Washington, Thomas Jefferson, Theodore Roosevelt and Abraham Lincoln


da hie gseht mae, wies eigentlech haetti soeue waerde

was vilech no interessant isch, isch, dass die meischte arbeiter, wo am Mount Rushmore mitgschaffet hei, jede tag si ufegwanderet...
das si de no raechti manne gsi. ;-)

zmittag heimer de im 'sonic' gaesse. das isch sone fast food choetti, wosi eim ds aesse uf de rouschue zum outo bringe. mae fahrt mit em outo ine parkplatz u doert isch nar d'menucharte ufemene plakat u mae bsteut ueberne lutspraecher. mir hei ues de drfuer entschide, dusse amene tisch ds aesse, anstatt im outo. =)

naer simer chli uf shopping-tour... hie isches eich so, dass oemu di grosse laede o am sunnti offe hei. teu, wie z.b. dr walmart, hei sogar 24h offe.

nachem shoppe simer wiiter ads hills alive. das isch es chrischtlechs festival, wo aber gratis isch. es het scho am friti agfange u het bis am sunnti duuret. i ha 'Downhere' gseh, die mache so chli mainstream musig. de bini go 'Thousand Foot Krutch' luege, die mache hardrock. sie si nid schlaecht gsi, aber i wuerd se itz nid grad stunde lose, saege mers mau so. =)
oeppe am haubi 9i si de d''Newsboys' uftraette. i ha die band o ersch hie kenneglert, aber sie mache super musig. i wuer saege ihre musigstiu isch pop-rock. ds noeie aubum isch ersch grad am zischti usecho u heisst 'born again', faus der mau weit ga drilose. d'band gits sit 1985, dr itzig saenger isch aber ersch ganz noei drzue cho u isch fruecher mau bi dc talk gsi.


hie gseht er es biudli live on stage, jedoch hanis vor linwang gfoetelet, drum isches chli schlaechti qualitaet.
aber ds konzaert isch eifach vou dr hammer gsi!

denn heimer ues ufe heiwaeg gmacht u si vom outo itz bett gchraesmet.