Bye bye Wyoming!

Hello

so, das isch vorussichtlech scho dr letscht Post uf mim Blog, zmingscht dr letscht vo Wyoming us.
So, wie d'Sunne abegeit, geit o mi Ufenthaut hie ds Aendi.


I luege zrugg uf drue super Wuche hie, uf schoeni Sunneungergaeng, viu naetti Luet, ae cooli Familie, woni ha doerfe ae Teu drvo si, viu Fast Food =), schoeni Orte, wo mir bsuecht hei, cooli Laede zum Shoppe, aber ou maengisch Unzfriedeheit, Gchaer und Traene, wie das haut o derzue ghoert ...und schlussaendlech uf Gott, wo mi dueretreit heit, grad we d'Reis nid unbedingt nach (mim) Plan isch gloffe.

Morn ume Mittag ume fahre mir los nach Rapid City und verbringe naer d'Nacht doert, da mir am Zischti Morge frueech losfluege.
Dr Mike begleitet ues und fahrt naer am Zischti Morge zruegg dahaere, wueu aer wieder mues schaffe.
Ds Zueri choeme mer lut Flugplan am 7.50 am Mittwuch Morge a, faus irgend oeper Luscht het, mau wieder frueech ufdsstah. ;-)

Ds Biud wiiter obe und das hie ungerdranne stamme vo huett Abe. Es het nomau ae wunderschoene Sunneungergang gaeh zum Abschluss. D'Sunneungergaeng und o d'Wuuche hie hei mi immer bsungers schoen duenkt und irgendwie het mae ae angeri Perspektive druf aus deheim ir Schwiiz. Isch schwierig zum beschriebe, mae mues es fasch saeuber gseh ha. =)
Drum zum Abschluss nomau aes superschoens Biud vo daem Ort, wo ig drue Wuche verbracht ha.