Wies mir so geit

hi to all

zersch mau: mir geits hei super und es gfaut mer mega.
I has o u guet mit mine cousins u cousine zaeme.

am sunnti hei ig u d'anya cupcakes gmacht. Mir hei vier verschiedeni sorte bache, wo naer je ae verschiedeni glasure hei gha:

- mandu-oepfu mit mandu-glasur
- zimet mit zimet-glasur
- ae aui-gwuerz-mischig vor anya mit "nature"-glasur
- chocolate-chip und sirup mit rum-glasur

ha zersch daenkt, die ganzi gschicht waerdi de mega suess, aber sie si auso mega fei gsi. =)

faus dr es paar vo dene kreatione weit gseh, de choeit der ufe blog vor babs ga gluusse:

http://wyoming7.blogspot.com/2010/07/what-happens-when.html

am sunnti bini mit id gmeind gange vo ihne und es het mer u guet gfaue derte. sie isch raecht chli und es git sae ersch sit es paar jahr.

huett am morge het mir dr elia grueft, ig soeui dusse oeppis cho luege...
guess what... die einti chatz vo ihne isch aes chipmunk am fraesse gsi...igiddo
i mues vilech no afuege, dass sie suesch gloubs no zwe mues gfange hei und eini wo no laebt u sich ir garage befindet...
jede tag mues eis vo dae ching d'ueberraeschte vo dae naechtleche faeng vo dae chatze go zaemelaese, wueu si eich jedi nacht oeppis erbuete. =)

duere tag dueni oeppe die so amene uebigsbuech fuer ds CPE (Cambridge Proficiency Exam). maengisch machi o aes spili mit de kiddos, wobi halli galli dr absolut renner isch. im momaent het sech aber dr halli-galli-boom grad chli gleit, vilech chunt er ja de nomau... :-)

so, das waers gloubs mau. wuerd mi froeie, oepis vo oeich ds ghoere i dae kommentaer!

Nadi